1920-30 illərdə Rus-Sovet imperiyasının Azərbaycandakı kadr siyasəti .....                        Prezident Əmir Pəhləvana mənzil bağışlayıb .....                        Uyğur vətəndaşından əhaliyə müraciət - VİDEO .....                        FHN çimərlik ərazilərində təhlükəsizlik tədbirlərini gücləndirib .....                        Bu müəllimlərin sənədləri yeni qaydada yoxlanılacaq .....                        FHN: Kür çayının Tovuz rayonu ərazisindəki hissəsində batan şəxslərin axtarışları davam etdirilir .....                        Bu gün həyatımızı xilas edən qəhrəmanların, “ağxalatlı”ların günüdür .....                        37 yaşlı kişini arı sancdı, öldü .....                        Bakı metrosunun xidmət rəisi qəfil dünyasını dəyişdi .....                       
Tarix : 4-03-2020, 09:22
Müasir dramaturgiya müsabiqəsi elan edilib
Novruz Azərbaycanda ən qədim xalq bayramıdır. Yaz gecə-gündüz bərabərliyini və Günəş təqvimi ilə yeni ilin gəlişini bildirən Bahar bayramının tarixi minilliklərin dərinliklərinə gedib çıxır. Əcdadlarımızın dünyanın yaradılması və dörd təbiət ünsürü (su, od, hava, torpaq) ilə bağlı qədim mifoloji təsəvvürləri də bunu sübut edir. Novruz öncəsi qeyd olunan dörd ilaxır çərşənbə də bununla bağlıdır.
Ölkəmizə təşrif buyuran əcnəbi qonaqları Azərbaycanın mədəniyyəti və incəsənəti, gəzməli-görməli yerləri, turistik məkanları, milli mətbəxi ilə tanış etməklə yanaşı, onlara xalqımızın qədim tarixi, irsi, adət-ənənələri barədə də dolğun məlumat vermək böyük önəm kəsb edir. Bu məramla nəşr olunan “Baku Guide” bələdçi kataloqunun yeni çapdan çıxan mart sayında da qeyd olunan mövzulara xüsusi yer ayrılıb. Nəşrdə Novruz haqqında təqdim edilən yazıda milli-mədəni irsimizin yaddaş boğçası olan bayramın ayinləri, Novruz süfrəsi, bayramın müxtəlif festival və el şənlikləri ilə qeyd olunması haqqında bəhs edilir.
“Baku Guide” MMC tərəfindən ingilis və rus dillərində hazırlanaraq nəşr olunan bələdçi kataloqunun mart buraxılışı bu ayla bağlı tematik yazılar, eləcə də müxtəlif rubrikalar üzrə faydalı informasiyalarla zəngindir.
Nəşr ilk olaraq oxuculara ölkəmizin keçmişi və müasir inkişafı, mədəniyyətimizin tarixi mənzərəsi ilə bağlı bələdçilik edir. Müsəlman Şərqində ilk peşəkar teatrın, kinonun, operanın Azərbaycanda yarandığı diqqətə çatdırılır, ölkəmizin son illər mədəniyyətlərarası dialoqa töhfələrindən, mötəbər beynəlxalq tədbirlərə ev sahibliyi etməsindən söz açılır.
Kataloqda teatr, konsert və kino salonlarının aylıq afişaları bu dəfə bir bölmədə birləşdirilərək – “Repertuarlar” rubrikasında verilib. Bu, oxuculara ay ərzində paytaxtın incəsənət məkanlarında keçiriləcək tədbirlərlə daha rahat tanış olmaq imkanı yaradır. Ümumi afişadan savayı teatrların ayrı-ayrı tamaşaları, kino zallarında nümayiş olunan filmlər haqqında qısa təqdimat-tanıtma səciyyəli informasiyalar da verilib.
“Muzeylər” bölməsində Milli İncəsənət, Milli Xalça, Musiqi Mədəniyyəti, Dövlət Teatr və digər iri muzeylər, habelə görkəmli şəxsiyyətlərin ev-muzeyləri əhatə olunub. Martın 16-da doğum günü və bu il 80 illiyi qeyd ediləcək əfsanəvi cazmen, pianoçu və bəstəkar Vaqif Mustafazadənin memorial muzeyinə ayrıca yazı ilə ekskurs edilir, sənətkarın həyat və yaradıcılığından bəhs olunur.
Nəşrin “Görməli yerlər və tarixi abidələr” bölməsi isə oxucuları minilliklərin daş yaddaşı olan Qobustan qoruğuna, Atəşgah məbədinə, Yanardağa səyahətə, İçərişəhərin tarixi məkanlarını gəzməyə, şəhərin ultramüasir tikililərini, yeni simvollarını seyr etməyə dəvət edir. “Neft Bakısının Ağ şəhəri” yazısı şəhərin tarixinə, müxtəlif dövrlərin izi qalan şəhərsalma mədəniyyətinə ekskurs etməklə bərabər, bu gün dünyanın ən gözəgəlimli şəhər dizaynı layihələrindən olan “Bakı – Ağ şəhər”i diqqətə çatdırır.
Daha bir ekskurs yazısı Şərq və Qərb memarlığı elementlərinin sintez olunduğu Bakının memarlıq inciləri ilə bağlıdır. Yazıda şəhərimizdə XX əsrin birinci yarısında inşa edilmiş məşhur saray tipli binalar barədə məlumat verilir.
Bələdçi kataloqunun hər sayında ölkəmizin bəşəriyyətin mədəniyyət xəzinəsinə töhfələri, dünya əhəmiyyətli mədəni irs nümunələri barədə yazılar dərc edilir. “UNESCO siyahılarında Azərbaycan irsi” silsiləsində bu dəfə muğam sənətimizdən və Qarabağ atları üzərində çövkən oyunu ənənəsindən bəhs olunur. “Açıq səma altında muzey-şəhər” yazısı 2019-cu ildə tarixi mərkəzi və Xan sarayı UNESCO-nun Dünya irs siyahısına salınmış Şəki haqqındadır.
Nəşrdə paytaxtdakı qalereya və sərgi salonları, iri kitabxanalar haqqında məlumatlar da yer alıb, həmçinin əyləncə məkanlarının tədbirləri diqqətə çatdırılır. “Bakıda nə almaq olar?” yazısında isə turistlərə ölkəmizlə bağlı xatirə hədiyyəsi seçiminə dair tövsiyələr verilir.
Nəfis tərtibatlı nəşr hər sayında rəssamlarımızın əsərlərinə yer ayırmaqla oxuculara təsviri sənətimizlə də bağlı bələdçilik edir. Bu dəfə “Baku Guide”ın 1-ci səhifəsində rəssam Yaşar Əliyevin “Novruz” tablosu əks olunub.


Paylaş



Bölmə: Ədəbiyyat, Karusel, Slayd, Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?

Azərbaycan tarixi
Hərbi
İdman
Musiqi
Dünya hadisələri
Əyləncə
Kriminal
Mədəniyyət

Son buraxılışımız
Facebook səhifəmiz
Təqvim
«    İyul 2020    »
BeÇaÇCaCŞB
 12345
6789101112
13141516171819
20212223242526
2728293031 
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Hər ötən il növbəti il üçün xatirəyə çevrilir; bəzən xatırlanır, bəzən də yenidən yaşanılır. Ancaq elə illər var ki, onları yenidən yaşamaq mümkün olmur. Bu illərə Türkiyənin unudulmaz 90 - cı illərini aid etmək olar. Axı həmin illəri yaddaqalan edən nəydi?
Butov.az Türkiyə mətbuatına istinadən həmin unudulmazlığı təqdim edir:
Türkiyənin unudulmaz 90 - cı illəri...
Video
https://www.youtube.com/watch?v=gd75lEyQX58

Şəhidlərə mahnı həsr olunub.

All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!