Butov.az - ın məlumatına görə, oktyabrın 9-da Azərbaycan Respublikası Vətən Müharibəsi Veteranları İctimai Birliyində 701 saylı hərbi hissənin Müharibə Veteranları Şurasının təşkilatçılığı ilə briqadanın yaradılmasının 26 illiyinə həsr edilmiş dəyirmi masa keçirilib.

Dəyirmi masanın rəsmi hissəsi oktyabr ayının 9-da Şəhidlər Xiyabanında şəhidlərimizin məzarlarınıziyarət və məşəlin önünə əklilin qoyulması ilə başlayıb, Azərbaycan RespublikasıVətən Müharibəsi Veteranlarıİctimai Birliyindədavam etdirilib.

Dəyirmi masada İctimai Birlik sədrləri, 701 saylı hərbi hissənin şəxsi heyəti, müharibə veteranları və ictimaiyyət nümayəndələri iştirak edib.

701 saylı h\h-nin Müharibə Veteranları Şurasının sədri e.o. polkovnik Əzizağa Qəni-zadənin, həmin hərbi hissənin tərbiyəvi işlər üzrə müavini, müharibə veteranı e.o. polkovnik-leytenant İntiqam Mirzəyevin, e.o. polkovnik-leytenant Qurban Qurbanovun məruzə və çıxışları dinlənilmiş, mövzu ətrafında müzakirələr aparılib.

Dəyirmi masanın ədəbi-bədii hissəsi saat 14.00-da furşetlə tamamlanıb.

701 saylı hərbi hissə haqqında qısa arayış:

701 saylı briqada 09 oktyabr 1991-ci ildə təşkil olunan 18110 saylı hərbi hissənin əsasında yaradılmışdır. 18110 saylı hərbi hissə ilk döyüşünü 11 dekabr 1991-ci ildə Kərkicahan kəndi uğrunda aparmış, 8 yanvar 1992- ci ildə isə “Daşaltı” əməliyatında iştirak edərək 85 nəfər şəhid və çoxlu sayda əsgər və zabiti isə yaralanmışdır.
1992-ci ilin noyabrından 1993-cü ilin aprelinədək və 1994-cü ilin fevral-mart əməliyyatlarında 701 saylı briqadanın şəxsi heyəti Laçın və Kəlbəcər rayonlarında gedən gərgin döyüşlərdə iştirak etmiş, bu döyüşlərdə mənəvi-psixoloji, fiziki dözümlülük, rəşadət, şücaət və qəhramanlıq nümayış etdirmişdirlər.
701 saylı briqada Qarabağ müharibəsində bütün döyüş əməliyyatlarında ən gərgin nöqtələrdə düşmənə qarşı igidliklə vuruşmuş, şəxsi heyəti əsgərdən tutmuş yüksək rütbəli zabitə kimi öz imkan və qabiliyyətləri çərçivəsində vəzifələrini mətanətlə, ləyaqətlə, vicdanla yerinə yetirmişdirlər.
Briqadanın əsgər və zabitlərindən 4 nəfər – baş\ l-nt Nəsrəddinov Rafiq Hüseyn oğlu, baş\l-nt Nəcəfov Yunis İsa oğlu, baş\l-nt Quliyev Adil Sahib oğlu və baş\l-nt Nəzərli Hikmət Baba oğlu Azərbaycan Milli Qəhrəmanı adına, 11 nəfər Azərbaycan Bayrağı ordeninə layiq görülmüş və 18 nəfər isə igidliyə görə medalı ilə təltif edilmişlər.