“21 Azər Hərəkatı"nın 72 yaşı qeyd olunub .....                        6-cı sinif şagirdləri üçün imtahan keçiriləcək .....                        Ulu öndər şagirdlərin gözü ilə... - FOTOLAR .....                        Ermənistan və Azərbaycan Respublikasının dövlət sərhədində növbəti monitorinq keçiriləcək .....                        Atəşkəs rejimi 121 dəfə pozulub .....                        “Gənclərin əmək bazarına çıxış imkanlarının artırılması” layihəsi başa çatdırıldı .....                        "Azərbaycanın İntellektual Birİncisi" layihəsinin final mərhələsi başa çatdı .....                        "Niyə qəddar olsun ki, bilmirəm niyə qadın" - YENİ ŞEİR .....                        İlham Əliyev Quba rayonuna səfərə gəlib .....                       
Tarix : 15-11-2017, 13:58
Ustad aşıq İsfəndiyar - 80


Ləyaqətli ömür

24 oktyabr 2017-ci ildə Azərbaycan Mədəniyyət və Turizm Nazirliyi və Azərbaycan Aşıqlar Birliyinin dəstəyi ilə ustad aşıq İsfəndiyar Rüstəmovun anadan olmasının 80 illik yubileyi Azərbaycan Dövlət Filarmoniyasında keçirildi.

Gecənin açılışını Mədəniyyət və Turizm Naziri Əbülfəz Qarayev açdı. Əbülfəz Qarayev aşıq İsfəndiyarın sənətindən, onun yetişdirdiyi şəyirdlərdən, dövlət tədbirlərində etdiyi yüksək səviyyəli çıxışlarından danışdı və qeyd etdi ki, İsfəndiyar Rüstəmovun bu əməyini dövlətimiz yüksək qiymətləndirərək “Əməkdar İncəsənət xadimi” fəxri adına və Prezident təqaüdünə layiq görülüb.

Nazir Əbülfəz Qarayev onu da qeyd etdi ki, vitse-prezident Mehriban xanım Əliyevanın səyi nəticəsində aşıq sənətimiz YUNESKO-nun mənəvi irs siyahısına daxil edilib.
Daha sonra söz Azərbaycan Aşıqlar Birliyinin sədri, Əməkdar elm xadimi professor Məhərrəm Qasımlıya verildi. Məhərrəm Qasımlı aşıq İsfəndiyar Rüstəmovun həyat və yaradıcılığı haqqında geniş əhatəli məlumat verdi.

Məhərrəm Qasımlı aşığın Sovetlər birliyi vaxtında həm Azərbaycanda, həm də xarici ölkələrdə etdiyi çıxışlardan və 1972-ci ildə Dədə Ələsgərin 150 illik yubileyində Moskvada etdiyi yüksək səviyyəli çıxışından danışdıqdan sonra qeyd etdi ki, İsfəndiyar Rüstəmovun 9 nəfərlik üzvləri Aşıq Ələsgər döş nişanı və Fəxri Fərmanla təltif olunmuşdular. Ustadın 80 yaşı olmasına baxmayaraq, Aşıqlar Birliyinin idarə heyətinin bütün iclas və tədbirlərində yaxından iştirak edir, bir ustad kimi gənc aşıqlara öz tövsiyə və məsləhətlərini verir.

Söz ustadı təbrik etmək üçün aşıqlara verildi. İlk olaraq səhnəyə Əməkdar incəsənət xadimi Gülarə Azaflının “Çeşmə” qrupu çıxdı. Sonra ustadla uzun müddət çiyin-çiyinə çalışdığı “Əməkdar İncəsənət xadimi” Prezident təqaüdçüsü ustad aşıq Mahmud Məmmədova söz verildi. Aşıq Mahmud Məmmədov keçmiş xatirələrindən, etdikləri çıxışlardan danışdı. Aşıq İsfəndiyar Rüstəmova uzun ömür, can sağlığı arzuladı. Səhnəyə ustadın öz yetirmələri olan Aşıq Nəbi, Aşıq Nazim, Aşıq Altay, Aşıq Azər Fərmayıloğlu və balabanda Əziz Göyçəli ustadlarını “Cəngi Koroğlu” havası ilə təbrik edəndən sonra səhnəyə Aşıq Əli Tapdıqoğlu və Aşıq Samirə gəldilər. Aşıq Əli və Aşıq Samirənin ifasında “Şirvan şikəstəsi” səsləndi. Ustadı təbrik etmək üçün solo saz ifaçısı Aşıq Ədalət Dəlidağlı və şəyirdi aşıq Şəhriyar Laçınlı çıxdı. Aşıq Ədalət Dəlidağlı və Şəhriyar Laçınlının ifa etdikləri “Baş Dubeyti” havası gurultulu alqışlarla qarşılandı.
Yenə söz ustadın öz yetirmələri olan Gədəbəy aşıqlarına verildi. Aşıq Təbrizin, aşıq Şahniyarın, aşıq Vəli Şınıxlının, aşıq Sərdarın və gənc aşıq Toğrulun ustadın öz sözü olan “Azərbaycan” qoşmasını “Kərəm gözəlləməsi” üstündə oxudular.

Ustad aşıq İsfəndiyar - 80


Ustadı təbrik üçün Qazax aşıqlarına söz verildi. Aşıq Solmaz, aşıq Avdı və aşıq Şaiq ustadı gözəl bir ifa ilə təbrik etdilər.
Sonra ustadı təbrik etmək üçün Gədəbəy rayon İcra Hakimiyyətinin nümayəndəsi Nicat Əliyev ustad aşıq İsfəndiyar Rüstəmovu İcra Hakimiyyətinin başçısı Ramiz Yediyarovun adından təbrik etdi.

Sonra səhnəyə Kəlbəcər aşıqları Gözəl Kəlbəcərli və Əli Zeynalabdinov gəldi. Ustadı “Aran gözəlləməsi” havası ilə təbrik etdilər.
Ustadı təbrik üçün Şirvan aşıq məktəbinin layiqli davamçıları “Əməkdar mədəniyyət işçiləri” Aşıq Ağamurad, Aşıq Əhliman və Aşıq Vüqar Mahmudoğlu “Şirvan gözəlləməsi” ilə ustadı təbrik etdilər. Söz Borçalı aşıq məktəbinin davamçıları Aşıq Cahangirə, Aşıq Əşrəfə və Aşıq Raminə söz verildi. Borçalı aşıqları “Hüseyni” havası ilə ustadı təbrik etdilər. Borçalı aşıqlarından sonra səhnəyə Göyçə aşıq məktəbinin yetişdirməsi aşıq Firudin və Aşıq Kəmalə çıxdı. Bu aşıqların ifasında “Şəqai gəraylı” havası səsləndi.

Ustad aşıq İsfəndiyar - 80


Gecənin bağlanması üçün səhnəyə “Əməkdar mədəniyyət işçisi” Gülarə Azaflının rəhbərlik etdiyi “Çeşmə” folklor qrupu gəldi. “Baş müxəmməs” havası ilə ustad İsfəndiyar Rüstəmovu təbrik etdilər. Tədbir başa çatdı.

Son söz olaraq ustadın özünə verildi. Ustad aşıq İsfəndiyar Rüstəmov Azərbay\can Respublikasının Prezidenti İlham Əliyevə və xanımı Mehriban Əliyevaya, Mədəniyyət və Turizm Naziri Əbülfəz Qarayevə, AAB-nin sədri Məhərrəm Qasımlıya və tədbirdə kimlərin əməyi var, hər birinə öz minnətdarlığını bildirdi.
Biz də yubilyara uzun ömür, can sağlığı arzulayırıq.

Hüseyn Məmmədov,
“Bütöv Azərbaycan” qəzeti


Paylaş



Bölmə: Ana seife, Karusel, Slayd, Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?

Azərbaycan tarixi
Hərbi
İdman
Musiqi
Dünya hadisələri
Əyləncə
Kriminal
Mədəniyyət

Son buraxılışımız
Facebook səhifəmiz
Təqvim
«    Dekabr 2017    »
BeÇaÇCaCŞB
 123
45678910
11121314151617
18192021222324
25262728293031
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Hər ötən il növbəti il üçün xatirəyə çevrilir; bəzən xatırlanır, bəzən də yenidən yaşanılır. Ancaq elə illər var ki, onları yenidən yaşamaq mümkün olmur. Bu illərə Türkiyənin unudulmaz 90 - cı illərini aid etmək olar. Axı həmin illəri yaddaqalan edən nəydi?
Butov.az Türkiyə mətbuatına istinadən həmin unudulmazlığı təqdim edir:
Türkiyənin unudulmaz 90 - cı illəri...
Video
https://www.youtube.com/watch?v=gd75lEyQX58

Şəhidlərə mahnı həsr olunub.

All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!