Qarakənd faciəsi... .....                        Atəşkəs rejimini 128 dəfə pozulub .....                        "Hərə bir əsgər, hər ev bir səngər .....                        Avropa Məhkəməsindən Ermənistan əleyhinə daha bir qərar .....                        Atəşkəs rejimi 117 dəfə pozulub .....                        O ilk gün... - ŞEİR .....                        Süleyman Piriyev: “Yəqin ki, “Qarabağ” da bu görüşə yaxşı hazırlaşar” .....                        Milyarder yeni gəmisinə Natiq Əliyevin adını verdi .....                        Özbəkistanın Müdafiə naziri Azərbaycana rəsmi səfərə gəlib .....                       
Tarix : 15-09-2017, 12:06
Amil Yunusov: “Uşaqlıqdan futbola marağım var”


Son illər ölkəmizdə bütün idman növləri ilə yanaşı futbol da sürətlə inkişaf edir. Yaşıl meydançalarda qazanılmış uğurlar bunu deməyə əsas verir. Şübhəsiz ki, bu nailiyyətlərdə ən böyük pay sahibi də elə futbolçulardır. Belə futbolçulardan biri də “Sumqayıt” klubunun hücumçusu Amil Yunusovdur. Bir müddət əvvəl idmançımızla əlaqə saxlayıb, onunla bizi maraqlandıran suallar ətrafında söhbət etdik. Amil suallarımızı səmimi cavablandırdı. Müsahibəni oxuculara təqdim edirik:

-Amil, idmana gəlişini necə xatırlayırsan?


-Hələ 9 yaşımda atamın dəstəyi ilə boya - başa çatdığım Tovuz rayonunda futbola başladım. Sonra Bakı şəhərinə gəldim və burada oynadım. Ardınca isə beş “Qəbələ Futbol Akademiyas”nda məşqlərimə davam etdim. Həmin illərdə eyni zamanda Akademiyanın əvəzedici heyətində çıxış edirdim. Tədricən təcrübə qazandım və peşəkar idmana gəldim. Bir müddət “Rəvan”ın şərəfini qorudum. Hazırda isə “Sumqayıt” komandasında oynayıram. Onu da deyim ki, ilk məşqçimi unuda bilmərəm. Onun mənim üzərimdə əziyyətləri çox olub.

-Niyə məhz futbolu seçdin? Sənə görə bu idman növünü digərlərindən fərqləndirən nədir?

-Futbola uşaqlıqdan böyük marağım var, elə bu gün də. Baxmayaq ki, məşqlərə 9 yaşımdan başlamışam, amma 5 yaşımdan məhəlləmizdə futbol oynayırdım. Belə düşünürəm ki, futbol dünyada ən çox yayılan idman növlərindən biridir.

-Məlumdur ki, professional idmanı təlim-məşq toplanışlarsız təsəvvür etmək olmaz. Maraqlıdır ki, bu cür təlim-məşqlər sizin oyunlardakı çıxışınıza necə təsir göstərir?

-Bəli, təlim-məşq toplanışları mütləq olmalıdır. Futbolda belə bir şey var ki, hər bir komandanın ildə 2 dəfə, ümumilikdə isə 15 dəfə özünəməxsus təlim-məşq toplanışları olmalıdır. Təlim-məşq toplanışları, şübhəsiz ki, adi məşq günlərindən daha ağır keçir. Ən azından ona görə ki, məşqlər gündə iki dəfə olur. Biz təlim-məşqlərdən maksimum dərəcədə yararlanmalıyıq ki, sezon boyu yaxşı çıxış edə bilək. Bu baxımdan belə toplanışlar çox əhəmiyyətlidir.

-Qeyd etdiniz ki, hazırda “Sumqayıt” klubunun formasını geyinirsiniz. Necə oldu ki, bu kluba keçdiniz?

-Əvvəllər “Brevliqa” deyilən bir komanda vardı. Mən orada oynayırdım. “Rəvan” kollektivində oynadığım müddətdə uğur qazandığıma inanıram. Amma buradan çıxandan sonra mənə heç bir klubdan təklif gəlmədi. Bir müddətdən sonra “Sumqayıt”dan mənə təklif gəldi. Onu deyim ki, həmin çempionatın I-II turu artıq başa çatmışdı. Mən də çox düşünmədən, bir çox amilləri nəzərə alaraq müsbət cavab verdim və artıq üç ildir ki, həmin komandada oynayıram.

-Bir futbolçu kimi Azərbaycan futbolunun bu günü haqda fikirləriniz maraqlı olardı.


Amil Yunusov: “Uşaqlıqdan futbola marağım var”


-Azərbaycan futbolunda çox böyük irəliləyişlər var. Eyni zamanda bizim U-23 komandamız bu yaxınlarda yaxşı nəticə göstərərək birinci oldular. Bu, çox sevindiricidir. Ümumiyyətlə onu deyim ki, son illər cənab prezident İlham Əliyevin diqqət və qayğısı sayəsində bütün idman növlərində, eləcə də futbolda ciddi inkişaf hiss olunur.

-Bildiyimiz kimi, ilk dəfə olaraq Azərbaycan futbol tarixində hansısa komanda Çempionlar Liqasının qrup mərhələsinə vəsiqə qazandı...

-Bu münasibətlə xalqımızı təbrik edirəm. “Qarabağ” neçə illər idi ki, Avroliqadan Çempionlar Liqasına düşə bilmirdi. Amma bu dəfə bacardı. Təcrübəli mütəxəssis Qurban Qurbanov və yetirmələri tarix yazdılar. Elə bu da bir Azərbaycan futbolunun inkişafından xəbər verir. Təmsilçimizə növbəti oyunlarda uğurlar arzu edirəm.

-Bəs püşkü necə qiymətləndirirsən? Etiraf edək ki, “Qarabağ”ın rəiqbləri o qədər də zəif deyillər.


-Əminliklə deyə bilərəm ki, püşkdə ən çətin qrupa düşmüşük. “Çelsi”, “Atletiko” və “Roma” - hər biri çox güclü komandalardır. “Qarabağ” səfərdə “Çelsi”yə 0:6 hesabı ilə məğlub oldu. Amma bu, hələ heç nə demək deyil. Nəzərə almaq lazımdır ki, bu “Qarabağ”ın ÇL-də ilk təcrübəsidir və Qurban Qurbanovla komandası artıq tarix yazıblar. Ümid edirəm ki, növbəti matçlarda uğurlu nəticələr qazanacağıq.

-Bir qədər də gələcək planların haqqında oxuculara məlumat verərdin.

-Bu il “Sumqayıt”da sonuncu ilimdir, artıq müqaviləm bitir. Üç ildir ki, bu komandada oynayıram. İndi özümü daha yaxşı yerlərdə görmək istəyirəm. Əsas hədəfim Azərbaycan çempionatında çoxlu qollar vurmaqdı. Çox istəyərəm ki, milli komandamızın şərəfini qoruyum və Azərbaycan futbolunun inkişafı üçün çalışım. Lakin eyni zamanda Avropa klublarından birində oynamaq da xoş olar. Hər halda ən xeyirlisi nədirsə o da olsun.

-Səmimi söhbətə görə təşəkkür edirik.

-Sağ olun.
Aytac Ocaqverdiyava


Paylaş



Bölmə: Tələbə sözü, İdman, Karusel, Slayd, Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?

Azərbaycan tarixi
Hərbi
İdman
Musiqi
Dünya hadisələri
Əyləncə
Kriminal
Mədəniyyət

Son buraxılışımız
Facebook səhifəmiz
Təqvim
«    Noyabr 2017    »
BeÇaÇCaCŞB
 12345
6789101112
13141516171819
20212223242526
27282930 
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Hər ötən il növbəti il üçün xatirəyə çevrilir; bəzən xatırlanır, bəzən də yenidən yaşanılır. Ancaq elə illər var ki, onları yenidən yaşamaq mümkün olmur. Bu illərə Türkiyənin unudulmaz 90 - cı illərini aid etmək olar. Axı həmin illəri yaddaqalan edən nəydi?
Butov.az Türkiyə mətbuatına istinadən həmin unudulmazlığı təqdim edir:
Türkiyənin unudulmaz 90 - cı illəri...
Video
https://www.youtube.com/watch?v=gd75lEyQX58

Şəhidlərə mahnı həsr olunub.

All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!